Latviya bosh vaziri Krihsyanis Karinsh matbuot anjumani chog‘ida iste’foga chiqishini ma’lum qildi. Bu haqda bugun, 14-avgust kuni LSM.lv portali ma’lum qildi.
Bosh vazir 17-avgust, payshanba kuni prezident Edgar Rinkevichga iste’foga chiqish haqida ariza berishini aytdi. Karinsh, shuningdek, “Yangi birlik” partiyasiga hukumat rahbari lavozimiga yangi nomzod ko‘rsatish taklif qilinganini xabar berdi.
O‘tgan yilning oktabr oyidagi saylov natijalariga ko‘ra, Karinshning “Yangi birlik” partiyasi Seymda 26 ta o‘ringa ega bo‘lgandi.
Ma’lumot uchun, Krihsyanis Karinsh 2019-yildan beri Latviya bosh vaziri lavozimida faoliyat yuritib kelayotgandi.
Izoh (0)