Iconic Auctioneers auksionida marhum Britaniya qirolichasi Yelizaveta II foydalangan Garia Courtesy golf-kari kimoshdi savdosiga qo‘yildi. Bu haqda auksion uyi saytida xabar berildi.
Qayd etilishicha, avtomobil qirolichaning Chelsidagi gullar ko‘rgazmasida qatnashishi uchun maxsus yaratilgan. U bor-yo‘g‘i ikki marta foydalanilgan, atigi 13 kilometr masofani bosib o‘tgan.
Transport oq rangda va olti kishini sig‘dira oladi. Undagi jihozlar orasida mini muzlatgich va stakandonlar, shuningdek, Bluetooth audiotizimi va dinamiklar bor.
Garia Courtesy’ning taxminiy narxi 25 000 dan 31 700 dollargacha.
Eslatib o‘tamiz, Ilon Mask Twitter kompaniyasi nomini X’ga o‘zgartirganidan keyin, kompaniyaning sobiq ramziy belgilari va boshqa buyumlarini kimoshdi savdosiga qo‘ymoqda. Savdolar 12-sentabrda boshlanadi va ikki kun davom etishi rejalashtirilgan.
Izoh (0)