Pekin uch davlat rahbarlarini 2023-yil oxirida Xitoyda bo‘lib o‘tadigan “Bir makon, bir yo‘l” sammitiga taklif qilmadi. Bu haqda Global Times xabar berdi.
Tadbirga taklifnomalarning aksariyati rivojlanayotgan mamlakatlar rahbarlari tomonidan qabul qilingan.
Rivojlangan davlatlarning rahbarlari, jumladan, Fransiya prezidenti Emmanuel Makron, Germaniya kansleri Olaf Shols va Italiya bosh vaziri Jorjiya Meloniga taklifnoma yuborilmagan.
“Rahbarlarni taklif qilish yoki tegishli hamkorlik kelishuvlari bo‘ladimi, Xitoy forumning ko‘lami va miqdori emas, balki sifati va samaradorligini ko‘zlamoqda”, — deydi manba.
Shuningdek, baʼzi G‘arb OAVlarining yuqorida tilga olingan Yevropa yetakchilari go‘yoki forumga borishni rejalashtirmayotgani haqidagi bayonotlari haqiqatga zid ekani aytilgan.
“Ishtirok etishdan qochish haqidagi taxmin shunchaki asossiz, chunki Xitoy ularga taklifnoma yubormagan”, — deb ta’kidlaydi nashr.
Xitoyning “Bir makon, bir yo‘l” tashabbusi Osiyoni quruqlik va dengiz yo‘llari orqali Afrika va Yevropa bilan bog‘lash dasturidir.
U Markaziy Osiyo, Yevropa va Afrikaning 60 dan ortiq mamlakatlarini bog‘laydi. Bloomberg ma’lumotlariga ko‘ra, dastur butun dunyo bo‘ylab infratuzilma loyihalarini 900 milliard dollarga moliyalashtirgan.
2023-yil may oyida Italiya Pekin bilan “Bir makon, bir yo‘l” loyihasidan chiqish ehtimoli bo‘yicha muzokaralar olib borishni rejalashtirayotgani xabar qilingandi.
Izoh (0)