Olmaota sudi avvalroq “Hokimiyat vakolatini suiiste’mol qilish” moddasi bo‘yicha qamoq jazosiga hukm qilingan tadbirkor Orifjon Shodievga nisbatan hukmni o‘zgartirdi. Bu haqda Tengrinews xabar berdi.
“Tengrinews” ixtiyorida bo‘lgan Olmaota shahar sudi jinoiy ishlar bo‘yicha sudlov hay’ati qaroriga ko‘ra, Shodiyev va uning yordamchisi Mixail Solovyovga nisbatan jazo erkinlikni cheklashning real muddatidan nazorat ostida erkinlikni cheklashga almashtirilgan.
“Shodiyev Orifjon Kabulovich Qozog‘iston Jinoyat kodeksining 250-moddasi 2-qismi bilan 2 yil muddatga ozodlikdan mahrum qilish jazosi bilan jazolansin.
Unga Jinoyat kodeksining 50-moddasi 3-qismi asosida moliya tashkiloti, bank va sug‘urta xoldingining mas’ul xodimi lavozimlarida ishlashni va moliyaviy tashkilotning asosiy ishtirokchisi bo‘lishni umrbod cheklash tarzidagi qo‘shimcha jazo tayinlansin.
Uning xulq-atvori ustidan nazoratni amalga oshiruvchi vakolatli davlat organini xabardor qilmasdan doimiy yashash joyini o‘zgartirmaslik majburiyati bilan nazoratga olinsin.
Qamoqqa olish tarzidagi ehtiyot chorasi bekor qilinsin, zudlik bilan qamoqdan ozod etilsin”, — deyiladi qarorda.
Mixail Solovyov moliyaviy tashkilotlarda rahbarlik lavozimlarini egallashni bir umrga man etish bilan bir yil olti oyga ozodlikdan mahrum qilish jazosiga hukm qilindi.
Orifjon Shodiyevga qanday ayblov qo‘yilgan?
Iyul oyida Orifjon Shodievni 1 yil 6 oyga ozodlikdan mahrum qilish jazosi tayinlangan edi. Solovyov esa bir yilga ozodlikdan mahrum etilgan.
Tadbirkor o‘z vakolatini suiiste’mol qilib, Asia Credit Bank’ga 16 milliard tenge (taxminan 36 mln AQSH dollari) miqdorida zarar yetkazganlikda aybdor deb topilgan.
Izoh (0)