Олмаота суди аввалроқ “Ҳокимият ваколатини суиистеъмол қилиш” моддаси бўйича қамоқ жазосига ҳукм қилинган тадбиркор Орифжон Шодиевга нисбатан ҳукмни ўзгартирди. Бу ҳақда Tengrinews хабар берди.
“Tengrinews” ихтиёрида бўлган Олмаота шаҳар суди жиноий ишлар бўйича судлов ҳайъати қарорига кўра, Шодиев ва унинг ёрдамчиси Михаил Соловёвга нисбатан жазо эркинликни чеклашнинг реал муддатидан назорат остида эркинликни чеклашга алмаштирилган.
“Шодиев Орифжон Кабулович Қозоғистон Жиноят кодексининг 250-моддаси 2-қисми билан 2 йил муддатга озодликдан маҳрум қилиш жазоси билан жазолансин.
Унга Жиноят кодексининг 50-моддаси 3-қисми асосида молия ташкилоти, банк ва суғурта холдингининг масъул ходими лавозимларида ишлашни ва молиявий ташкилотнинг асосий иштирокчиси бўлишни умрбод чеклаш тарзидаги қўшимча жазо тайинлансин.
Унинг хулқ-атвори устидан назоратни амалга оширувчи ваколатли давлат органини хабардор қилмасдан доимий яшаш жойини ўзгартирмаслик мажбурияти билан назоратга олинсин.
Қамоққа олиш тарзидаги эҳтиёт чораси бекор қилинсин, зудлик билан қамоқдан озод этилсин”, — дейилади қарорда.
Михаил Соловёв молиявий ташкилотларда раҳбарлик лавозимларини эгаллашни бир умрга ман этиш билан бир йил олти ойга озодликдан маҳрум қилиш жазосига ҳукм қилинди.
Орифжон Шодиевга қандай айблов қўйилган?
Июль ойида Орифжон Шодиевни 1 йил 6 ойга озодликдан маҳрум қилиш жазоси тайинланган эди. Соловёв эса бир йилга озодликдан маҳрум этилган.
Тадбиркор ўз ваколатини суиистеъмол қилиб, Asia Credit Bank’га 16 миллиард тенге (тахминан 36 млн АҚШ доллари) миқдорида зарар етказганликда айбдор деб топилган.
Изоҳ (0)