Qozog‘iston suyultirilgan gazni avtomobil va temiryo‘l orqali eksport qilishga uch yillik taqiq joriy qilmoqchi. Bu haqda Qozog‘iston Energetika vazirligi matbuot xizmatiga tayanib, KazTAG xabar berdi.
Qozog‘iston Energetika vazirligi qaror kuchga kirgan kundan boshlab suyultirilgan gazni mashinada uch yilga, temiryo‘l transportida esa olti oy muddatga eksport qilishni taqiqlash bo‘yicha buyruq loyihasini ishlab chiqdi. Ayni paytda mazkur qaror ochiq normativ-huquqiy hujjatlar portalida e’lon qilingan.
Mamlakatda suyultirilgan neft gazining chakana narxlarini davlat tomonidan tartibga solish joriy etilgan. Buning natijasida aholi va ko‘plab sanoat korxonalarining ushbu turdagi yoqilg‘iga talabi oshdi.
Shu tariqa 2022-yilda ichki bozorda iste’mol 2021-yilga nisbatan 28 foizga oshdi. Shuningdek, 2023-yilning 6 oyi davomida o‘tgan yilning shu davriga nisbatan iste’molning o‘sishi 100 ming tonnaga yaqinni tashkil etdi.
Izoh (0)