Futbol bo‘yicha Gamper Kubogi doirasida “Barselona” 8-avgust, seshanba kuni “Tottenhem”ga qarshi bahs olib bordi.
Uchrashuvning 3-daqiqasidayoq hisob ochildi. Kataloniyaliklar hujumchisi Robert Levandovski Rafinyaning uzatmasini golga aylantirdi. 24-daqiqada Skipp hisobni tenglashtirdi. 36-daqiqada esa yana o‘sha Skipp gol urib, “shporlar”ni hisobda oldinga olib chiqdi.
Ikkinchi bo‘limda ham darvozalar ishg‘ol etildi. 81-daqiqada Ferran Torres muvozanatni tiklagan bo‘lsa, hakam qo‘shib bergan daqiqalarda Ansu Fati va Abde o‘z nomiga gol yozdirib, “ko‘k-anorranglilar”ning g‘alabasiga hissa qo‘shdi.
Shu tariqa “Barselona” o‘z tarixida 46-marta, ketma-ket esa 11-marta Gamper Kubogiga ega chiqmoqda. Kataloniyaliklar so‘nggi bor 2012-yilda “Sampdoriya”ga imkoniyatni boy berib qo‘ygan.
Gamper Kubogi
8-avgust, seshanba
“Barselona” — “Tottenhem” 4:2
Gollar: 1:0 – Levandovski (3), 1:1 – Skipp (24), 1:2 – Skipp (36), 2:2 – Ferran Torres (81), 3:2 – Fati (90), 4:2 – Abde (93).
“Barselona”: ter Stegen (Penya, 61), Balde (Alonso, 61), Arauxo (Roberto, 32), Erik Garsiya (Yamal, 80), Kunde, Frenki de Yong, Romeu (Marin, 80), Gavi (Fati, 61), Pedri (Gundo‘g‘an, 61), Rafinya (Abde, 61), Levandovski (Torres, 61).
“Tottenhem”: Vikario, Porro, Dayer, Sanches, Regilon, Skipp (Devayn, 72), Bissuma (Sarr, 88), Lo Chelso, Solomon, Perishich (Spens, 72), Risharlison (Skartlett, 76).
Izoh (0)