Milliarder Ilon Maskning Meta asoschisi Mark Sukerbergga qarshi ehtimoliy jang sanasi ma’lum bo‘ldi.
“Men bugun ham jangga chiqishga tayyorman. Lekin Ilon menga qarshi jang qilmoqchiligini eshitgan vaqtim unga 26-avgust sanasini taklif qilgandim. U hozircha tasdiqlagani yo‘q”, — deydi Mark Sukerberg.
Eslatib o‘tamiz, Sukerberg Twitter’ga (hozirda X) raqobatchi Threads tarmog‘ini ishga tushirgach, Mask Meta asoschisiga qarshi jang e’lon qildi. Ya’ni 51 yoshli Mask havaskorlar o‘rtasidagi braziliyacha jiu-jitsu turnirida g‘olib chiqqan 39 yoshli Sukerbergni “qafasdagi jang”ga chaqirdi.
Sukerberg chaqiriqni qabul qilib, jang bo‘ladigan manzilni jo‘natishni so‘ragan. Maskning onasi Mey Mask Meta korporatsiyasi rahbari Mark Sukerberg bilan o‘g‘li o‘rtasidagi jangni bekor qilganini aytgan. U tomonlar o‘rtasidagi bahs gap orqali hal bo‘lishini ilgari surgan.
Ilon Mask uni jangga UFC sobiq chempioni Habib Nurmagomedov tayyorlashini xohlagan. Biroq Habib mazkur taklifni rad etgan, sababi esa ochiqlanmagan.
Izoh (0)