“Arsenal” penaltilar seriyasida “Manchester Siti” ustidan g‘alaba qozonib, Angliya Superkubogiga ega chiqdi

Angliya Superkubogida “Arsenal” va “Manchester Siti” klublari 6-avgust, yakshanba kuni o‘zaro to‘qnash keldi.

Uchrashuvning birinchi bo‘limida darvozalar daxlsizligi saqlanib qoldi. Ikkinchi bo‘limda esa “shaharliklar” hisobni ochdi. 77-daqiqada Kole Palmer ajoyib zarba bilan londonliklar darvozasini ishg‘ol qildi. 90+11-daqiqada esa Leandro Trossard muvozanatni tikladi. G‘olib nomi penaltilar seriyasida aniqlanadigan bo‘ldi.

Penaltilarda esa “kanonirlar” 4:1 hisobida zafar quchdi.

Shu tariqa “Arsenal” Angliya Superkubogi g‘olibiga aylandi.

Angliya Superkubogi—2023

6-avgust, yakshanba

“Arsenal” — “Manchester Siti” 1:1 

Gollar: 0:1 – 77 Palmer, 1:1 — 90+11 Trossard.

Penaltilar seriyasi: 4:1

“Arsenal”: Remsdeyl, Uayt, Gabriel (Smit-Rou, 87), Saliba, Timber (Tirni, 76), Parti, Edegor, Rays (Nketia, 81), Haverts (Fabiu Vieyra, 87), Saka, Martinelli (Trossard, 75).

“Manchester Siti”: Ortega, Uoker, Stounz, Ruben Diash, Akanji, Kovachich (de Bryuyne, 64), Grilish (Foden, 58), Bernardu Silva, Rodri, Holand (Palmer, 64), Alvares.

Ogohlantirishlar: Parti (8), Arteta (17), Haverts (27), Alvares (31), Gabriel (66).