Xitoyning Shandun provinsiyasida sodir bo‘lgan 5,5 magnitudali zilzila oqibatida 21 kishi jabrlandi. Bu haqda “Xitoy internet-axborot markazi” xabar berdi.
6-avgustga o‘tar kechasi Pekin vaqti bilan 02:33 (Toshkent vaqti bilan 23:33) da Shandun provinsiyasi Pingyuan okrugida 5,5 magnitudali zilzila sodir bo‘lgan.
Zilzila episentri joylashgan hududda 126 ta bino vayron bo‘lgan. Transport, aloqa va elektr taʼminoti tizimlari normal ishlagan, neft va gaz quvurlaridan sizib chiqmagan.
Mahalliy hokimiyat organlari qutqaruv ishlarini tashkil etish va yuzaga kelishi mumkin bo‘lgan xavflarni baholash uchun favqulodda choralar ko‘rgan.
Ma’lumot uchun, Afg‘onistonda 6-avgust kuni soat 05:32 da sodir bo‘lgan zilzila O‘zbekistonning qator hududlarida sezilgandi. Episentri Toshkentdan 536 kilometr janubiy-sharqda joylashgan zilzila magnitudasi 5,9 ball, chuqurligi 100 kilometrga teng bo‘lgan.
Bundan tashqari 5-avgust kuni ham Afg‘onistonda zilzila qayd etilgan. Zilzila magnitudasi 5,8 ni, chuqurligi esa 100 kilometrni tashkil qilgan. Yer qimirlashi O‘zbekiston hududlaridan ham sezilgan.
Izoh (0)