Toshkentning Mirzo Ulug‘bek tumanida joylashgan 6-sonli tug‘ruqxonada egizak chaqaloqlar vafot etdi. Bu haqda poytaxt prokuraturasi matbuot xizmati xabar berdi.
Ma’lum bo‘lishicha, 22-iyun kuni 26 yoshli ayol D.Sh. muddatidan oldin, 26 haftalik egizak chaqaloq dunyoga keltirgan. Ish hujjatlariga ko‘ra, 23-iyun kunida ayolning farzandlari vafot etgan.
Ijtimoiy tarmoqlarda egizaklar akusher-ginekologning ehtiyotsizligi sababli vafot etgani haqida shikoyat qilindi.
Ayni paytda ushbu holat bo‘yicha tergovga qadar tekshiruv davom etmoqda.
Kuni kecha Navoiy viloyati Xatirchi tumanidagi tibbiyot birlashmasida ayol tug‘uruqdan so‘ng vafot etgani to‘g‘risida xabar berilgandi. Undan oldin Toshkent viloyati Nurafshon shahridagi tug‘uruqxonada ayol chaqalog‘i bilan vafot etgan edi.
Izoh (0)