Shavkat Mirziyoyev Ashxobod shahriga kelgach, turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov bilan uchrashuv o‘tkazdi. Bu haqda Prezident matbuot xizmati xabar berdi.
Qayd etilishicha, ikki tomonlama kun tartibidagi dolzarb masalalar ko‘rib chiqilgan. O‘zbekiston bilan Turkmaniston o‘rtasidagi ko‘p qirrali munosabatlar jadal rivojlanib, har ikki mamlakat strategik sherikligi izchil mustahkamlanayotgani mamnuniyat bilan qayd etilgan.
“Savdo, sanoat, energetika, qishloq va suv xo‘jaligi, transport sohalarida va boshqa ustuvor yo‘nalishlarda amaliy hamkorlik kengayib borayotgani taʼkidlandi”, — deyiladi xabarda.
Shuningdek, O‘zbekiston va Turkmaniston yetakchilari mintaqaviy hamkorlik masalalari yuzasidan ham fikr almashgan, bo‘lajak tadbirlar rejasini ko‘rib chiqqan.
Bugun, 4-avgust kuni Turkmaniston poytaxtida O‘zbekiston, Tojikiston va Turkmaniston prezidentlarining uch tomonlama sammiti bo‘lib o‘tadi. Tadbirlar davomida mintaqaviy kun tartibidagi dolzarb masalalar ko‘rib chiqiladi.
Izoh (0)