Toshkentning ayrim hududlarida 4-avgust kuni elektr energiyasi ta’minoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali axborot xizmati xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida ertaga, 4-avgust kuni quyidagi manzillarda elektr taʼminoti vaqtincha o‘chiriladi:
- Yangihayot tumani: “Do‘stlik” MFYning ayrim ko‘chalarida soat 09:00 dan 17:00 gacha;
- Mirzo Ulug‘bek tumani: “Ahillik” MFYning ayrim ko‘chalarida soat 10:00 dan 17:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, taʼmirlash ishlari sababli 4-avgust kuni soat 10:00 dan 18:00 ga qadar uchta tumanda tabiiy gaz taʼminoti vaqtincha to‘xtatiladi:
Mirzo Ulug‘bek tumani
- “Temuriylar” MFY Vatan 1, 2, 3, 4, 5, 6, 7-tor ko‘chalari;
- Tabassum ko‘chasi;
- Matonat ko‘chasi;
- Soy bo‘yi ko‘chasi;
- Bunyodkor 1, 2, 3, 4-tor ko‘chalaridagi jami: 837 ta yerli xonadonlar.
Bektemir tumani
- “Nurafshon” MFYda qisman.
Sergeli tumani
- Uchuvchilar mavzesida qisman;
- “Qumariq” mahallasida qisman;
- “Oltin vodiy” MFYda qisman.
Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi. Avgust boshlarida esa Toshkentning qator tumanlarida elektr, issiq suv va gaz ta’minotlari vaqtincha to‘xtatilgan.
Izoh (0)