Shavkat Mirziyoyev amaliy tashrif bilan Ashxobod shahriga yetib bordi, deb xabar beradi Prezident matbuot xizmati.
Aeroportda O‘zbekiston prezidentini turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov kutib oldi. Oliy martabali mehmon sharafiga faxriy qorovul saf tortdi.
Bugun, 4-avgust kuni Turkmaniston poytaxtida O‘zbekiston, Tojikiston va Turkmaniston prezidentlarining uch tomonlama sammiti bo‘lib o‘tadi.
Tadbirlar davomida mintaqaviy kun tartibidagi dolzarb masalalar ko‘rib chiqiladi.
- Turkmaniston prezidenti Serdar Berdimuhamedov 2022-yil iyul oyida O‘zbekistonga davlat tashrif buyurgandi.
- O‘shanda u O‘zbekiston prezidenti Shavkat Mirziyoyev huzurida “Ko‘ksaroy” qarorgohining Faxriy mehmonlar xiyobonida daraxt ekkan.
- Oktabr oyida bo‘lsa, O‘zbekiston prezidenti Turkmanistonga borgan va Serdar Berdimuhamedov hamrohligida Ashxobodda “Toshkent” bog‘ining tantanali ochilish marosimida ishtirok etgandi.
Izoh (0)