Toshkent shahar IIBB YHXB Chilonzor tumanida sodir bo‘lgan yo‘l-transport hodisasi bo‘yicha ma’lumot berdi.
Ma’lum qilinishicha, 1-avgust kuni soat 00:10 larda Chilonzor tumani Bunyodkor shohko‘chasida 44 yoshli K.G. boshqaruvida bo‘lgan Damas hamda 29 yoshli K.Z. boshqaruvida bo‘lgan Nexia-2 rusumli avtomashinalari ishtirokida yo‘l-transport hodisasi hisodir bo‘lgan.
YTH oqibatida Damas rusumli avtomashina haydovchisi tan jarohat olib shifoxonaga yotqizilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv ishlari olib borilmoqda.
“Fuqarolardan yo‘l harakati qoidalariga amal qilishlarini va tezlikni belgilangan meyorlardan oshirmasliklarini so‘rab qolamiz”, — deyiladi xabarda.
Eslatib o‘tamiz, 29-iyul kuni Bunyodkor shohko‘chasida ikkita Lacetti va bitta Cobalt ishtirokida YTH sodir bo‘lgandi.
Oxirgi vaqtlarda sodir bo‘lgan YTHlar
Bundan oldin Toshkentning Uchtepa tumanida uchta mashina ishtirokida yo‘l-transport hodisasi sodir bo‘lgani, Samarqandda yigit tog‘asining mashinasini olib qochib, 4 ta avtomobil bilan to‘qnashgani, O‘zbekiston parlamenti quyi palatasi yonidagi piyodalar o‘tish joyida Damas ayolni urib yuborgani to‘g‘risida xabar berilgandi.
Izoh (0)