IIV YHXX Toshkent shahar Chilonzor tumanida sodir bo‘lgan yo‘l-transport hodisasi bo‘yicha ma’lumot berdi.
Ma’lum qilinishicha, 29-iyul kuni soat 23:30 larda Chilonzor tumani Bunyodkor shohko‘chasida 28 yoshli S.S. boshqaruvida bo‘lgan Lacetti, 33 yoshli N.Sh. boshqaruvida bo‘lgan Lacetti hamda 23 yoshli V.N. boshqaruvidagi Cobalt rusumli avtomashinalari ishtirokida yo‘l transport hodisasi sodir bo‘lgan.
YTH oqibatda Lacetti lardan birining haydovchisi va 3 nafar yo‘lovchilari turli darajadagi tan jarohat bilan shifoxonaga yotqizilgan.
Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
Bundan oldin Toshkentning Uchtepa tumanida uchta mashina ishtirokida yo‘l-transport hodisasi sodir bo‘lgani, Samarqandda yigit tog‘asining mashinasini olib qochib, 4 ta avtomobil bilan to‘qnashgani, O‘zbekiston parlamenti quyi palatasi yonidagi piyodalar o‘tish joyida Damas ayolni urib yuborgani to‘g‘risida xabar berilgandi.
Izoh (0)