Тошкентда Damas ва Nexia иштирокида ЙТҲ содир бўлди (видео)

Тошкент шаҳар ИИББ ЙҲХБ Чилонзор туманида содир бўлган йўл-транспорт ҳодисаси бўйича маълумот берди.

Маълум қилинишича, 1 август куни соат 00:10 ларда Чилонзор тумани Бунёдкор шоҳкўчасида 44 ёшли К.Г. бошқарувида бўлган Damas ҳамда 29 ёшли К.З. бошқарувида бўлган Nexia-2 русумли автомашиналари иштирокида йўл-транспорт ҳодисаси ҳисодир бўлган.

ЙТҲ оқибатида Damas русумли автомашина ҳайдовчиси тан жароҳат олиб шифохонага ётқизилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

“Фуқаролардан йўл ҳаракати қоидаларига амал қилишларини ва тезликни белгиланган меёрлардан оширмасликларини сўраб қоламиз”, — дейилади хабарда.

Эслатиб ўтамиз, 29 июль куни Бунёдкор шоҳкўчасида иккита Lacetti ва битта Cobalt иштирокида ЙТҲ содир бўлганди. 

Охирги вақтларда содир бўлган ЙТҲлар

Бундан олдин Тошкентнинг Учтепа туманида учта машина иштирокида йўл-транспорт ҳодисаси содир бўлгани, Самарқандда йигит тоғасининг машинасини олиб қочиб, 4 та автомобиль билан тўқнашгани, Ўзбекистон парламенти қуйи палатаси ёнидаги пиёдалар ўтиш жойида Damas аёлни уриб юборгани тўғрисида хабар берилганди.