Shotlandiyaning Buacheyll Etiv Big tog‘ida tasodifan qolib ketgan o‘yinchoq ayiqcha Mini Tayson o‘z egasi — Kastl-Duglas shahridan bo‘lgan Alaster Taysonga qaytarildi, deb yozmoqda “Pravila jizni” nashri.
33 yoshli yigit har doim o‘zining ayiqchasi bilan sayohat qilgan, u o‘yinchoq ayiqchani taxminan o‘n yil oldin o‘zi matematika o‘qituvchisi bo‘lib ishlagan maktabda tashkil qilingan bayramda yutib olgan.
Mini Tayson o‘z egasi bilan birga Italiyaga asal oyiga bordi, Fransiya va butun Angliyaga tashrif buyurdi, shuningdek, 292 cho‘qqining 50 tasini zabt etishga muvaffaq bo‘ldi.
Biroq, iyul oyi o‘rtalarida Alaster Shotlandiyaning Glenko qishlog‘i yaqinidagi tog‘lardan birida o‘zining yoqimtoy do‘stini unutib qoldirdi. U ayiqchasini yo‘qotib qo‘yganini tog‘dan tushayotgan paytida payqadi. Alaster ob-havo yomonlashgani va poyezdga yetib olishga shoshgani uchun yana toqqa chiqishga jur’at eta olmadi.
U Mini Taysonni shiddatli shamol uchirib yuborishini va u bilan boshqa uchrasha olmasligini o‘ylagan. Biroq, bu voqeadan bir hafta o‘tgach, Alaster ijtimoiy tarmoqlarda ushbu toqqa chiqqan boshqa alpinistning fotosuratini ko‘rib qolgan. Suratda “bo‘ron va yomg‘irdan” omon qolgan ayiqcha ham bor edi. Shundan so‘ng, yigit foydalanuvchilardan ayiqchani “qutqarishga” yordam berishini so‘ragan.
O‘sha yerda yashovchi ismi oshkor etilmagan erkak uning postiga javob qaytargan.
“U Mini Tayson biroz nam, biroq xavfsiz ekanligini aytdi”, — deydi Alaster.
.jpg)
Keyinroq Alaster ijtimoiy tarmoqlardagi sahifasiga ayiqchaning suratini joylashtirib: “Nihoyat, tog‘lardagi og‘ir sayohatdan keyin uyda”, deb izoh qoldirgan.
Izoh (0)