Шотландиянинг Буачейлл Этив Биг тоғида тасодифан қолиб кетган ўйинчоқ айиқча Мини Тайсон ўз эгаси — Кастл-Дуглас шаҳридан бўлган Аластер Тайсонга қайтарилди, деб ёзмоқда “Правила жизни” нашри.
33 ёшли йигит ҳар доим ўзининг айиқчаси билан саёҳат қилган, у ўйинчоқ айиқчани тахминан ўн йил олдин ўзи математика ўқитувчиси бўлиб ишлаган мактабда ташкил қилинган байрамда ютиб олган.
Мини Тайсон ўз эгаси билан бирга Италияга асал ойига борди, Франция ва бутун Англияга ташриф буюрди, шунингдек, 292 чўққининг 50 тасини забт этишга муваффақ бўлди.
Бироқ, июль ойи ўрталарида Аластер Шотландиянинг Гленко қишлоғи яқинидаги тоғлардан бирида ўзининг ёқимтой дўстини унутиб қолдирди. У айиқчасини йўқотиб қўйганини тоғдан тушаётган пайтида пайқади. Аластер об-ҳаво ёмонлашгани ва поездга етиб олишга шошгани учун яна тоққа чиқишга журъат эта олмади.
У Мини Тайсонни шиддатли шамол учириб юборишини ва у билан бошқа учраша олмаслигини ўйлаган. Бироқ, бу воқеадан бир ҳафта ўтгач, Аластер ижтимоий тармоқларда ушбу тоққа чиққан бошқа алпинистнинг фотосуратини кўриб қолган. Суратда “бўрон ва ёмғирдан” омон қолган айиқча ҳам бор эди. Шундан сўнг, йигит фойдаланувчилардан айиқчани “қутқаришга” ёрдам беришини сўраган.
Ўша ерда яшовчи исми ошкор этилмаган эркак унинг постига жавоб қайтарган.
“У Мини Тайсон бир оз нам, бироқ хавфсиз эканлигини айтди”, — дейди Аластер.
.jpg)
Кейинроқ Аластер ижтимоий тармоқлардаги саҳифасига айиқчанинг суратини жойлаштириб: “Ниҳоят, тоғлардаги оғир саёҳатдан кейин уйда”, деб изоҳ қолдирган.
Изоҳ (0)