Futbol bo‘yicha O‘zbekiston Superligasining 14-turida “Buxoro” va “Turon” jamoalari 27-iyul, payshanba kuni o‘zaro kurash olib bordi.
Uchrashuvning 14-daqiqasidayoq “Buxoro” bir kishi kam bo‘lib qoldi. Vsevolod Nixayev qizil kartochka olib, maydonni tark etdi. 20-daqiqada “Turon” a’zosi Fayzullobek Jumanqo‘ziyev hisobni ochdi. 66-daqiqada esa Shohmalik Komilov mehmonlarning ikkinchi goliga mualliflik qildi. 82 va 84-daqiqalarda buxoroliklar ikkita gol urib hisobni tenglashtirgandi. Biroq, “Turon” futbolchisi Asadbek Saidxonov 96-daqiqada jamoasiga g‘alaba keltiruvchi golni urdi.
Shu tariqa “Turon” ochkolari sonini 9 taga yetkazdi va 13-o‘ringa ko‘tarilib oldi. “Buxoro” esa 7 ochko bilan so‘nggi pog‘onani band etdi.
Superliga
14-tur bahsi
27-iyul, payshanba
“Buxoro” – “Turon” 2:3
Gollar: 0:1 — 20 Fayzullobek Jumanqo‘ziyev, 0:2 — 66 Shohmalik Komilov, 1:2 — 82 Mahmud Jo‘raboyev, 2:2 — 84 Shohruz Norxonov (penalti), 2:3 — 90+6 Asadbek Saidxonov.
“Buxoro”: 50. Luka Kukich, 2. Izatillo Po‘latov (7. Muhammadjon Rahimov, 56) 5. Dilshod Jo‘rayev, 9. Jasur Xolto‘rayev (,77. Asilbek Qayumov 22) 10. Humoyunmirzo Iminov, 11. Shohruz Norxonov, 15. Diyorbek Ortiqboyev, 17. Jamoliddin Ubaydullayev, 70. Aleksandar Stanisavlevich, 88. Vsevolod Nixayev, 99. Javohir Ro‘ziyev.
“Turon”: 35. Rahimjon Davronov, 2. Abdulaziz Abdurashidov, 4. Asliddin Toshtemirov, 7. Shohmalik Komilov (Saidxonov, 70), 10. Humoyun Murtozayev (Enyang, 70), 14. Xurshidbek Muxtorov, 17. Nodirbek Mukarov, 18. Abdug‘ani Kamolov, 22. Shahzod Rahmatullayev (Aliyev, 77), 44. Abubakir Ashurov, 77. Fayzullobek Jumanqo‘ziyev.
Ogohlantirish: Aleksandar Stanisavlevich (43)
Chetlatish: Vsevolod Nixayev (15).
Izoh (0)