Tojikistonda CAFA Futsal Cup 2023 musobaqasining navbatdagi tur bahslari 28-iyul, juma kuni bo‘lib o‘tdi.
O‘zbekiston futzal terma jamoasi Eronga qarshi bahs yuritdi va 0:5 hisobida mag‘lub bo‘ldi. Uchrashuvda Ali Halilvand ikkita gol urgan bo‘lsa, Ali Akrami va Amir Husayn bittadan golni o‘z hisobiga yozdirib qo‘ydi. Yana bir gol esa Usmonov hisobiga avtogol sifatida qayd etildi.
Eslatib o‘tamiz, Bahodir Ahmedov shogirdlari dastlabki turda mezbon jamoa Tojikistonga qarshi o‘ynadi va 4:2 hisobida g‘alaba qozondi. Ikkinchi turda esa Afg‘onistonga 3:4 hisobida imkoniyatni boy berib qo‘ygan edi. Uchinchi turda esa Turkmaniston 3:1 hisobida taslim etilgandi.
CAFA Futsal Cup 2023
4-tur bahsi
Eron — O‘zbekiston 5:0
Gollar: 1:0 2 Ali Halilvand, 2:0 — 4 Ali Akrami, 3:0 — 8 A.Usmonov (avtogol), 4:0 — 33 Amir Husayn, 5:0 — 35 Ali Halilvand.
Izoh (0)