“Paxtakor” ikki nafar legionerni o‘z safiga qo‘shib olganini e’lon qildi

Toshkentning “Paxtakor” jamoasi ikki nafar yangi futbolchini o‘z safiga qo‘shib olganini e’lon qildi. 

“Sherlar” belaruslik darvozabon Pavel Pavlyuchenko bilan bir yarim yillik shartnoma imzoladi. Pavlyuchenko faoliyati davomida “Dnepr”, “Dinamo” Brest, “Rux”, “Gurnik” va “Bruk-Bet” kabi jamoalar sharafini himoya qilgan. 

Shuningdek, “Paxtakor” “Feyenoord” tarbiyalanuvchisi Metyu Stinvordenni ham o‘z safiga qo‘shib oldi.

Stinvorden poytaxt klubi bilan bir yarim yillik shartnomaga imzo chekdi. Metyu faoliyati davomida “Feyenoord”, “Ekselsior”, “Dordrext”, “Kambuur” va “Goritsa” kabi klublarda o‘ynagan. Stinvorden “Paxtakor” safida o‘ynaydigan ilk gollandiyalik futbolchiga aylanadi. U erkin agent sifatida “sherlar” safiga kelib qo‘shildi.