Shavkat Mirziyoyev ishtirokida bo‘lib o‘tgan IIV kengaytirilgan hay‘at yig‘ilishida Sirdaryo va Navoiy hokimining o‘rinbosarlari ishdan olindi, deb xabar bermoqda prezident matbuot xizmati.
Ma‘lum qilinishicha, viloyatda voyaga yetmaganlar sodir etgan og‘ir jinoyatlarning 20 foizi va o‘ta og‘ir jinoyatlarning 43 foizi aynan Qo‘qon shahriga to‘g‘ri kelgan. Achinarlisi, 47 nafar maktab va 18 nafar kollej o‘quvchilari jinoyatga qo‘l urgan.
Bu butun respublika bo‘yicha eng yomon ko‘rsatkich hisoblanadi. Yoshlar ishlari agentligi, huquq-tartibot idoralari Qo‘qondagi vaziyatni jilovlashda e’tiborsizlik va sustkashlikka yo‘l qo‘yayotgani tanqid qilindi.
Shuningdek, yoshlar bilan ishlashni o‘z holiga tashlab qo‘ygani uchun:
- Sirdaryo va Navoiy viloyatlari hokimlarining yoshlar siyosati bo‘yicha o‘rinbosarlari Sh.Zayniddinov va Ya.Dushanov;
- Sirdaryo viloyat ichki ishlar boshqarmasi boshlig‘ining jamoat tartibini saqlash bo‘yicha o‘rinbosari lavozimidan ozod etildi.
Izoh (0)