Бугун 28 июль, жума куни Фарғона вилоятида Шавкат Мирзиёев иштирокида ИИВ кенгайтирилган ҳайъат йиғилиши бўлиб ўтди. 
Мазкур йиғилиш президент матбуот хизмати томонидан Telegramъда онлайн ёритилди. Йиғилишда вояга етмаганлар томонидан содир этилган жиноятларнинг энг кўпи қайси ҳудудда экани очиқланди. Бу борада вилоятда ҳам, республикада ҳам энг ёмон аҳвол Қўқон шаҳрида экани кўрсатиб ўтилди.
Мазкур хабар Қўқон шаҳар ҳокимлиги расмий саҳифасида ҳам ёритилди.
Фарғоналик блогер Олимжон Ҳайдаров эътибор қаратишича, ҳокимлик матбуот хизмати Қўқон шаҳри ҳақидаги президент гапларини ўчириб юборган ва қолган матнни тақдим этган.
Бундан ташқари, вилоятда вояга етмаганлар содир этган оғир жиноятларнинг 20 фоизи ва ўта оғир жиноятларнинг 43 фоизи айнан Қўқон шаҳрига тўғри келгани ҳақидаги хабар президент матбуот хизмати томонидан эълон қилинди. Бироқ Қўқон шаҳар ҳокимлиги матбуот хизмати эса мазкур маълумотни ҳам ўчирган ва қолган матнни эълон қилган.
Изоҳ (0)