Pokistonda “Barbi” filmi namoyishi mamlakatning ijtimoiy, madaniy va diniy qadriyatlariga zid kelmasligiga ishonch hosil qilish uchun ko‘rib chiqilmoqda.
Gollivudda suratga olingan “Barbi” filmi namoyishi Pokistonning Panjob viloyatida “nomaqbul kontent” tufayli qoldirildi. Rasmiylarning ta’kidlashicha, film ko‘rib chiqilishi va mamlakatning ijtimoiy, madaniy va diniy qadriyatlariga zid keluvchi sahnalarini senzuradan o‘tkazish uchun viloyat kengashlaridan ruxsat olishi kerak.
“Biz filmni mamlakatda namoyish etishdan oldin ko‘rib chiqamiz”, — dedi Panjob viloyatining Kinosenzura kengashi kotibi Farrux Mahmud Guardian nashriga bergan intervyusida. U aynan qaysi sahnalar senzuraga uchrashi mumkinligi haqida aytmagan.
Yilning eng ko‘p muhokama qilinayotgan filmlaridan birining premyerasi Yaqin Sharq mamlakatlari, jumladan, Birlashgan Arab Amirliklari va Misrda ham keyinga surilgan.
Shu oy boshida Vyetnam ham Janubiy Xitoy dengizidagi bahsli hudud xaritasi filmda namoyish etilgani tufayli “Barbi”ni taqiqlagan edi.
Izoh (0)