Rossiyaning Sankt-Peterburg shahrida O‘zbekiston fuqarosi boshqirdistonlik erkakka musht tushirishi oqibatida jabrlanuvchi 4-qavatdan qulab tushdi. Bu haqda 78.ru xabar berdi.
Holat yuzasidan 45 yoshli o‘zbekistonlik erkak qo‘lga olingan. U Pilotov ko‘chasidagi 13-uyning 4-qavati yo‘lagida o‘zaro janjal oqibatida deraza tokchasida o‘tirgan boshqirdistonlik erkakka musht tushirgan. Oqibatda erkak muvozanatni yo‘qotib, yerga yiqilgan.
Jabrlanuvchi og‘ir ahvolda kasalxonaga yotqizilgan, ammo o‘sha kuni kechqurun vafot etgan. Qotillik fakti bo‘yicha jinoyat ishi qo‘zg‘atilgan. Gumonlanuvchi izolyatorga joylashtirilgan. Hozirda hodisaning barcha tafsilotlariga oydinlik kiritilmoqda.
Izoh (0)