Germaniyaning Quyi Saksoniya federal davlati hukumati davom etayotgan qurg‘oqchilik tufayli qishloq xo‘jaligida chuchuk suvdan foydalanishni cheklamoqchi.
Bild gazetasining yozishicha, bu haqda Atrof-muhit va mintaqa energetika vaziri Kristian Meyer ma’lum qilgan.
Uning so‘zlariga ko‘ra, agar iqlim sharoiti o‘zgarmasa, bunday choralarga murojaat qilishga to‘g‘ri keladi. Qishloq xo‘jaligi maqsadlarida suvdan foydalanish butunlay taqiqlanishi mumkin, chunki pomidor va qulupnay kabi ba’zi ekinlarni yetishtirish iqtisodiy jihatdan samarasiz bo‘lib qoladi.
Hukumatning bu tashabbusi fermerlarning tarmoq birlashmalari vakillari tomonidan tanqidga uchradi. Ular bu holatda qulupnayni boshqa mamlakatlardan sotib olishga to‘g‘ri kelishini ta’kidladilar.
Bu mahalliy aholiga zarar yetkazishi mumkin, chunki boshqa davlatlarda ekologik standartlar Germaniyanikidan pastroq hisoblanadi.
Izoh (0)