Ijtimoiy tarmoqlarda vayner, tiktoker yigit qutqaruv xizmatining “101” qisqa raqamiga telefon qilib, prank uyushtirgan videoni e‘lon qildi.
Ushbu video tarmoqlarda ko‘plab muhokamalarga sabab bo‘ldi. Favqulodda vaziyatlar vazirligi mazkur holatga munosabat bildirib, blogerlarga murojaat bilan chiqdi. Unda bunday prank qutqaruv xizmati faoliyatiga nisbatan behurmatlik hisoblanib, madaniyatsizlik va tarbiyasizlik ko‘rinishi ekani ta‘kidlangan.
“Shunday prankni yaxshi ko‘ruvchi vayner va blogerlar diqqatiga! Bunday prank qutqaruv xizmati faoliyatiga nisbatan behurmatlik hisoblanib, madaniyatsizlik va tarbiyasizlik ko‘rinishidir.
Ushbu prankni uyushtirgan vayner telefon tarmog‘ini band qilib, dispetcherlik xizmati operatorining bir daqiqaga yaqin vaqtini olgan. Bu vaqtda esa kimgadir yordam zarur bo‘lganini inobatga olish zarur edi”, — deyiladi xabarda.
Izoh (0)