Hozir axborot texnologiyalari asrida ijtimoiy tarmoqlardan uzoqlashish nihoyatda qiyin. Millionlab muxlislarga ega mashhurlar orasida bu ishning uddasidan chiqqanlari ham bor. Quyida ijtimoiy tarmoqlardan foydalanmaydigan Golllivud yulduzlari haqida ma’lumot beriladi.
Killian Myorfi
“Oppengeymer” filmi yulduzi “mem” so‘zining ma’nosini bilmasligini tan olgan. Bu ajablanarli emas, chunki Killianning ijtimoiy tarmoqlarda sahifalari mavjud emas.
Rayan Gosling
Yana bir ijtimoiy tarmoqlardan foydalanmaydigan aktyor — Rayan Gosling. U so‘nggi intervyularidan birida boshlovchi va uning partnyori Margo Robbi bilan memlar haqida hech narsa bilmasligini aytgan. Aktyor bu so‘zning ma’nosini ham tushunmaydi. Biroq, uning rafiqasi Eva Mendes ijtimoiy tarmoqlardan foydalanadi. Shunga qaramay, Rayan va uning farzandlari kamdan kam hollarda ijtimoiy tarmoqlarda ko‘rinish beradi.
“Men ular haqida ma’lum cheklovlarga rioya qilgan holda gapiraman, biroq kundalik hayotimizda tushgan fotosuratlarni ijtimoiy tarmoqlarga joylashtirmayman. Rayanga kelsak, biz shaxsiy hayotimizni kimgadir bag‘ishlamasak, o‘zimizni qulayroq his qilamiz”, — deydi aktrisa.
Bredli Kuper
Aktyor mansab va shaxsiy blogni birlashtirish juda qiyin ekanligi haqida fikr bildirgan.
“Albatta, ijtimoiy tarmoqlar tufayli ba’zi loyihalarni ilgari surishingiz mumkin. Balki, eskicha fikrdadirman, biroq nazarimda insonlar aktyorni tanimasligi kerak, faqat uning obrazlarini ko‘rishi kerakdek tuyuladi. Ular uning kimligini unutishlari kerak”, — deydi aktyor.
Bredli hali ham ijtimoiy tarmoqlarda ko‘rinish beradi, o‘zining ijtimoiy tarmoqlardagi sahifasida emas. Uning sobiq rafiqasi Irina Sheyk o‘z sahifasiga tez-tez Kuper va uning farzandi suratlarini joylashtiradi.
Benedikt Kamberbetch
“Doktor Strenj” nafaqat Tanos rolini, balki ijtimoiy tarmoqlarni ham tark etdi. Yerning oliy sehrgari rolini o‘ynagan aktyor tez-tez turli shoularga boradi va intervyu beradi, biroq u ijtimoiy tarmoqlarni kundalik hayoti uchun katta tahdid deb biladi. Kamberbetch ijtimoiy tarmoqlar uning butun vaqtini oladi deb qo‘rqadi.
“Ijtimoiy tarmoqlar hayotimni egallab olardi. Qo‘lga olar va ehtimol, uni yo‘q qilgan bo‘lar edi”, — deydi aktyor.
Kristen Styuart
Ijtimoiy tarmoqlarda Kristen Styuartning yuzlab sahifalarini topishingiz mumkin, biroq ularning hech qaysi haqiqiy bo‘lmaydi. Aktrisaning sodiq muxlislari uning fan-akkauntlarini yuritadi, u yerga aktrisaning eng yaxshi fotosuratlari va videolarini joylashtirishadi. “Sumerki” filmi yulduzi ijtimoiy tarmoqlardan foydalanish vaqtni behudaga sarflash ekanini aytgan.
“Bilaman, kulgili tuyuladi va bu aniq, hamma ijtimoiy tarmoqlar haqida gapiradi va men keksa ayolga o‘xshayman, lekin buning o‘rniga boshqa ish qilsak bo‘ladi”, — deydi aktrisa.
Deniel Redkliff
Keyingi aktyor ijtimoiy tarmoqlarni shaxsiyatning aksi deb hisoblaydi. Agar kimdir ularni boshqarayotgan bo‘lsa, bundan ma’no yo‘q. Bu aktyor shaxsiy blog yuritmasligining asosiy sababi.
“Ijtimoiy tarmoqlarni mustaqil ravishda yurita olmasligimdan qo‘rqaman. Shuning uchun men bu borada kimnidir yollashim kerak edi va tabiiyki ishonch yo‘qolardi. Bu hech qachon menga yoqmaydi”, — deydi aktyor.
Band bo‘lish va doimiy gastrol Denielga ijtimoiy tarmoqlardagi sahifasini yuritishga imkon bermadi. Hozirda aktyor ko‘p vaqtini o‘g‘li bilan o‘tkazishga harakat qilmoqda.
Skarlett Yoxansson
Aktrisa ijtimoiy tarmoqlarga qaramligini tan olgan. U telefonni qo‘liga olishi bilan real hayotdan chiqib ketadi. Albatta, bu fakt Skarlettni xursand qilmaydi, shuning uchun aktrisa hech qanday ijtimoiy tarmoqdan foydalanmaydi.
“Men bu ommaviy jinnilikni hech qachon tushunmaganman. Menga qo‘ng‘iroq qilganlarga ham qo‘ng‘iroq qilmayman. Ovozli pochtani tekshirmayman. Men qachondir nimadandir boxabar bo‘lmayapman, deb o‘ylamaganman. Hozirda mening hayotimda bunga joy yo‘q. Agar mening har bir ijtimoiy tarmoqda akkauntim bo‘lsa, uni boshqarish uchun boshqa birovga ishonishim kerak bo‘ladi, bu mutlaqo keraksiz, menga kerak emas va buni xohlamayman. Men telefonimda juda ko‘p yangiliklarni o‘qiyman”, — deydi Skarlett.
Emma Stoun
Aktrisa intervyu berishi kerak bo‘lgan ko‘rsatuvlarga borishni yoqtiradi. U shaxsiy hayoti, ijodiy rejalari haqida gapiradi, eng muhimi, u tabiiylikni saqlaydi. Emmaning fikricha, ijtimoiy tarmoqlarni boshqarayotgan insonlar ba’zan juda sirli bo‘lishga majbur bo‘ladi.
“Men intervyu berganimda iloji boricha tabiiy va ochiq bo‘lishga harakat qilaman, lekin insonlarga o‘z qalbimni ochib, poyabzalim yoki itlarimning fotosuratlarini ijtimoiy tarmoqqa joylashtirishga hojat yo‘q”, — deydi Emma Stoun.
Kira Naytli
Eng yorqin britaniyalik aktrisalardan biri Kira Naytli ham ijtimoiy tarmoqlardan ortiqcha foydalanishga qarshi. Kiraning so‘zlariga ko‘ra, u bu holatdan juda uzoq.
“Doimiy ravishda pochtani tekshirish, fotosuratlar ostidagi ‘layk’larni sanash, har daqiqada ijtimoiy tarmoqdagi yangiliklar lentasini ko‘rib chiqish va postlaringizdagi izohlarni o‘qish... Bularning barchasi menga qandaydir ahmoqona, ibtidoiy faoliyatdek tuyuladi. Men ko‘pchilikka o‘xshamayman”, — deydi Kira.
Bir paytlar aktrisa ijtimoiy tarmoqlarda o‘z sahifasini yaratgan, biroq uni 5 daqiqadan so‘ng o‘chirib tashlagan. Kira obunachilar oqimidan qo‘rqib ketgan. U hozirda ijtimoiy tarmoqlarga ehtiyoji yo‘qligini aytgan.
Jeyk Jillenxol
Aktyor ijtimoiy tarmoqlardan uzoqlashishga harakat qilayotganini aytgan. U ijtimoiy tarmoqlarga qaram bo‘lgan insonlardan qo‘rqadi. U tom ma’noda ijtimoiy tarmoqlar botqog‘iga botgan dunyo kelajagi haqida chin dildan qayg‘uradi. U o‘zini ko‘rsatish uchun yashamaslikka harakat qiladi.
“Bizda shaxsiy daxlsizlik hissi yo‘q insonlarning butun avlodi o‘sib bormoqda. Men har doim inson o‘z hayoti bilan yashamasdan turib, insonlarga nima berishi mumkinligi haqida o‘ylashga qiziqaman. Biz bugun butunlay boshqacha madaniy muhitda yashayapmiz. Jamiyat hamma narsa haqida hamma narsani bilishni xohlaydi”, — deydi aktyor.
Izoh (0)