Millionlab insonlar havas qiladigan qirollik oilasi a’zolarining ham o‘z sevimli mashg‘ulotlari bor. Masalan, marhum qirolicha Yelizavetta II tajribali yuk mashinasi haydovchisi bo‘lgan, qirol Karl esa rassomchilik bilan shug‘ullangan. Quyida qirollik oilasi a’zolarining sevimli mashg‘ulotlari haqida ma’lumot beriladi.
Yelizaveta II
Marhum qirolicha Yelizaveta II professional mexanik va tajribali yuk mashinasi haydovchisi bo‘lganini kam inson biladi. Ikkinchi jahon urushi paytida valiahd malika o‘z mamlakatiga qo‘lidan kelganicha yordam berishga tayyor bo‘lgan va boshqa minglab britaniyalik qizlar singari ham harbiy xizmatga kirishgan. Yelizavettaga yordamchi ayollar hududiy korpusiga kirishga ruxsat berilgan, biroq qirolicha u yerda haydovchi va mexanik sifatida ta’lim olgan. Xavf tug‘ilgan paytda maxsus kuchlarga zarurat bor edi, malika esa haqiqatan ham yangi kasbni egallab, korpusning eng tirishqoq xodimlaridan biriga aylandi.
Qirol Karl
Britaniya qirollik oilasi merosxo‘rining iste’dodi uning romantik va nozik xarakteridan dalolat beradi. Uels shahzodasi tasviriy san’at sohasida mahoratga ega edi, u rasm chizishni yaxshi ko‘rardi. Rassom akvarelni afzal ko‘rardi va asosan landshaftlarga e’tibor berardi. Yaqinda merosxo‘rning surati juda qimmat narxga — ikki million dollarga sotildi. Charlz o‘zini “havaskor” deb ataydi, biroq aslida shahzoda Qirollik akademiyasi va Qirollik akvarelchilar jamiyatining faxriy a’zosi hisoblanadi.
Qirol Rama IX
2016-yilgacha Tailand hukmdori bo‘lgan Humipon Adulyadet nafaqat dunyodagi eng hurmatga sazovor monarxlardan biri, balki iste’dodli bastakor ham edi. Tailand qirolining musiqiy merosi valslar, marshlar, u yozgan klassik asarlar, shuningdek, ingliz va tay tillaridagi 49 ta qo‘shiqda mujassam bo‘lgan. Uning asarlaridan biri Rama IX vafotidan keyin “Dengiz piyodalarining qirollik marshi” Tailand qirollik dengiz piyodalarining rasmiy madhiyasiga aylangan. Shuningdek, Humipon Adulyadet ko‘priklar, to‘g‘onlar va hatto o‘zining yelkanli qayig‘ini loyihalashtirgan iste’dodli muhandis edi. U fotografiyani ham yaxshi ko‘rardi, shuning uchun Tailand banknotlaridan birida kamera bilan tasvirlangan.
Imperator Akixito
2019-yilgacha Yaponiya taxtini egallagan imperator nafaqat o‘g‘li foydasiga taxtdan voz kechish istagi bilan, balki o‘ta noodatiy sevimli mashg‘uloti bilan ham jamoatchilikni hayratda qoldirgan. Akixito uzoq umrining muhim qismida tabiatni o‘rganishga e’tibor qaratdi — u dengiz gobilari bo‘yicha 25 ta ilmiy maqola chop etdi. Qirollik uylarining boshqa ko‘plab vakillari singari Akixito ham sportni yaxshi ko‘rardi va u tennis o‘ynayotgan paytida bo‘lajak rafiqasi imperator Michiko bilan tanishgan.
Gersoginya Ketrin
Kembrij gersoginyasi, Vindzor sulolasining boshqa ko‘plab a’zolari singari fotografiya bilan shug‘ullanadi. Uning iste’dodi qirollik hayotini Vindzorlarning bir vakilini ko‘zi bilan ko‘rishni istagan BCS muxlislari uchun katta quvonch edi. Keyt muntazam ravishda Kensington saroyining ijtimoiy tarmoqlardagi sahifasiga muhim oilaviy sanalar va milliy bayramlar munosabati bilan olingan o‘zining mualliflik suratlarini joylashtirib, jamoatchilikni xursand qilgan.
Knyaz Alber II
Yevropa monarxiyasining eng sodiq muxlislari Monako shahzodasi va malikasi sportchi ekanini biladi. Ko‘pchilik suzuvchi Sharlin Vittstokning professional karyerasi haqida eshitgan bo‘lsa, Alberning professional bobsleist ekanligini kam inson biladi. Shahzoda dzyudo va futbolni yaxshi ko‘rardi, u ketma-ket beshta qishki Olimpiada o‘yinlarida qatnashgan, Monako jamoasida o‘ynagan. Shuningdek Alber ikki va to‘rt kishilik musobaqalarda qatnashgan, u professional sport karyerasini 2002-yilda yakunlagan.
Zara Tindoll va malika Anna
Malika Annaning qizi Zara Tindoll Britaniya ot sporti jamoasi a’zosi bo‘lgan va 2012-yilgi Olimpiadada kumush medalni qo‘lga kiritgan. Ko‘pchilik u onasining orzusini ro‘yobga chiqarganiga ishonadi — malika Anna ham ot sporti bilan shug‘ullangan va ko‘plab musobaqalarda qatnashgan, biroq u butun hayotini sportdagi karyerasiga bag‘ishlay olmadi, ijtimoiy hayotni va xayriya ishlarini afzal ko‘rdi. Umuman olganda, Vindzorlar oilasidagi ayollar ot sporti bilan shug‘ullanishni yaxshi ko‘radi. Yelizavetta 94 yoshida har kuni Racing Post gazetasini o‘qirdi va ot minishni yaxshi ko‘rardi. Shuning uchun uning qizi va nevarasi sevimli mashg‘ulotidan voz kechmaydi.
Qirol Abdulla II
Yana bir qirollik oilasi a’zosi Abdulla II ibn Husayn ham sportchi hisoblanadi. Iordaniya qiroli nafaqat qadimiy qurollar va boshqa tarixiy artefaktlarni yig‘adi, shuningdek, suvda sho‘ng‘ish va boshqa suv sportlari kabi ochiq havoda dam olishni yaxshi ko‘radi. Abdulla avtomobil poygalariga ham qiziqadi, u ralli bo‘yicha sobiq Iordaniya chempioni. Qirol parashyutdan sakrashni ham to‘xtatishga majbur bo‘ldi, sababi bu mamlakat rahbari uchun juda xavfli mashg‘ulot hisoblanadi.
Izoh (0)