Jahon kinosi yulduzi Jonni Depp shoshilinch ravishda kasalxonaga yotqizildi, deb yozadi “Korrespondent.net”.
Qayd etilishicha, 60 yoshli aktyor Vengriyaning Budapesht shahrida joylashgan mehmonxona nomerida hushsiz holda topilgan. Depp Budapeshtga Hollywood Vampires xard-rok guruhining turnesi doirasida kelgan edi. Guruh aktyorning salomatligi bilan bog‘liq muammo tufayli o‘z chiqishlarini bekor qilgan.
Deppning menejeri holat tafsilotlarini oshkor qilmagan, u shunchaki aktyorning ahvoli yaxshi emasligini aytgan. Aytilishicha, aktyorning sog‘lig‘i yomonlashishiga uning haddan ortiq alkogol iste’mol qilishi sabab bo‘lgan.
“Hamma narsa tayyor edi, sahna o‘rnatilgan, guruh chiqish qilishga shay turgandi. Qandaydir muammo bo‘lishi hech kimning xayoliga kelmagan edi. Bizga Deppning biroz tobi yo‘qligi uchun mehmonxonadan chiqa olmaganini aytishdi. Keyin shifokor chaqirishdi”, — deydi holat guvohlaridan biri.
Rok guruhining chiqishi 18-iyulda o‘tkazilishi kerak edi. Biroq Jonni Deppning ahvoli tufayli chiqish bekor qilingan. Shuningdek, Slovakiyadagi konsert ham qoldirilgan edi. Guruh 22-iyul kuni Slovakiyadagi konsertda chiqish qilgan.
Izoh (0)