Ҳозир ахборот технологиялари асрида ижтимоий тармоқлардан узоқлашиш ниҳоятда қийин. Миллионлаб мухлисларга эга машҳурлар орасида бу ишнинг уддасидан чиққанлари ҳам бор. Қуйида ижтимоий тармоқлардан фойдаланмайдиган Голлливуд юлдузлари ҳақида маълумот берилади.
Киллиан Mёрфи
“Оппенгеймер” фильми юлдузи “мем” сўзининг маъносини билмаслигини тан олган. Бу ажабланарли эмас, чунки Киллианнинг ижтимоий тармоқларда саҳифалари мавжуд эмас.
Райан Гослинг
Яна бир ижтимоий тармоқлардан фойдаланмайдиган актёр — Райан Гослинг. У сўнгги интервьюларидан бирида бошловчи ва унинг партнёри Марго Робби билан мемлар ҳақида ҳеч нарса билмаслигини айтган. Актёр бу сўзнинг маъносини ҳам тушунмайди. Бироқ, унинг рафиқаси Эва Мендес ижтимоий тармоқлардан фойдаланади. Шунга қарамай, Райан ва унинг фарзандлари камдан кам ҳолларда ижтимоий тармоқларда кўриниш беради.
“Мен улар ҳақида маълум чекловларга риоя қилган ҳолда гапираман, бироқ кундалик ҳаётимизда тушган фотосуратларни ижтимоий тармоқларга жойлаштирмайман. Райанга келсак, биз шахсий ҳаётимизни кимгадир бағишламасак, ўзимизни қулайроқ ҳис қиламиз”, — дейди актриса.
Бредли Купер
Актёр мансаб ва шахсий блогни бирлаштириш жуда қийин эканлиги ҳақида фикр билдирган.
“Албатта, ижтимоий тармоқлар туфайли баъзи лойиҳаларни илгари суришингиз мумкин. Балки, эскича фикрдадирман, бироқ назаримда инсонлар актёрни танимаслиги керак, фақат унинг образларини кўриши керакдек туюлади. Улар унинг кимлигини унутишлари керак”, — дейди актёр.
Бредли ҳали ҳам ижтимоий тармоқларда кўриниш беради, ўзининг ижтимоий тармоқлардаги саҳифасида эмас. Унинг собиқ рафиқаси Ирина Шейк ўз саҳифасига тез-тез Купер ва унинг фарзанди суратларини жойлаштиради.
Бенедикт Камбербэтч
“Доктор Стренж” нафақат Танос ролини, балки ижтимоий тармоқларни ҳам тарк этди. Ернинг олий сеҳргари ролини ўйнаган актёр тез-тез турли шоуларга боради ва интервью беради, бироқ у ижтимоий тармоқларни кундалик ҳаёти учун катта таҳдид деб билади. Камбербэтч ижтимоий тармоқлар унинг бутун вақтини олади деб қўрқади.
“Ижтимоий тармоқлар ҳаётимни эгаллаб оларди. Қўлга олар ва эҳтимол, уни йўқ қилган бўлар эди”, — дейди актёр.
Кристен Стюарт
Ижтимоий тармоқларда Кристен Стюартнинг юзлаб саҳифаларини топишингиз мумкин, бироқ уларнинг ҳеч қайси ҳақиқий бўлмайди. Актрисанинг содиқ мухлислари унинг фан-аккаунтларини юритади, у ерга актрисанинг энг яхши фотосуратлари ва видеоларини жойлаштиришади. “Сумерки” фильми юлдузи ижтимоий тармоқлардан фойдаланиш вақтни беҳудага сарфлаш эканини айтган.
“Биламан, кулгили туюлади ва бу аниқ, ҳамма ижтимоий тармоқлар ҳақида гапиради ва мен кекса аёлга ўхшайман, лекин бунинг ўрнига бошқа иш қилсак бўлади”, — дейди актриса.
Дэниэл Редклифф
Кейинги актёр ижтимоий тармоқларни шахсиятнинг акси деб ҳисоблайди. Агар кимдир уларни бошқараётган бўлса, бундан маъно йўқ. Бу актёр шахсий блог юритмаслигининг асосий сабаби.
“Ижтимоий тармоқларни мустақил равишда юрита олмаслигимдан қўрқаман. Шунинг учун мен бу борада кимнидир ёллашим керак эди ва табиийки ишонч йўқоларди. Бу ҳеч қачон менга ёқмайди”, — дейди актёр.
Банд бўлиш ва доимий гастрол Дэниэлга ижтимоий тармоқлардаги саҳифасини юритишга имкон бермади. Ҳозирда актёр кўп вақтини ўғли билан ўтказишга ҳаракат қилмоқда.
Скарлетт Йоханссон
Актриса ижтимоий тармоқларга қарамлигини тан олган. У телефонни қўлига олиши билан реал ҳаётдан чиқиб кетади. Албатта, бу факт Скарлеттни хурсанд қилмайди, шунинг учун актриса ҳеч қандай ижтимоий тармоқдан фойдаланмайди.
“Мен бу оммавий жинниликни ҳеч қачон тушунмаганман. Менга қўнғироқ қилганларга ҳам қўнғироқ қилмайман. Овозли почтани текширмайман. Мен қачондир нимадандир бохабар бўлмаяпман, деб ўйламаганман. Ҳозирда менинг ҳаётимда бунга жой йўқ. Агар менинг ҳар бир ижтимоий тармоқда аккаунтим бўлса, уни бошқариш учун бошқа бировга ишонишим керак бўлади, бу мутлақо керакциз, менга керак эмас ва буни хоҳламайман. Мен телефонимда жуда кўп янгиликларни ўқийман”, — дейди Скарлетт.
Эмма Стоун
Актриса интервью бериши керак бўлган кўрсатувларга боришни ёқтиради. У шахсий ҳаёти, ижодий режалари ҳақида гапиради, энг муҳими, у табиийликни сақлайди. Эмманинг фикрича, ижтимоий тармоқларни бошқараётган инсонлар баъзан жуда сирли бўлишга мажбур бўлади.
“Мен интервью берганимда иложи борича табиий ва очиқ бўлишга ҳаракат қиламан, лекин инсонларга ўз қалбимни очиб, пойабзал им ёки итларимнинг фотосуратларини ижтимоий тармоққа жойлаштиришга ҳожат йўқ”, — дейди Эмма Стоун.
Кира Найтли
Энг ёрқин британиялик актрисалардан бири Кира Найтли ҳам ижтимоий тармоқлардан ортиқча фойдаланишга қарши. Киранинг сўзларига кўра, у бу ҳолатдан жуда узоқ.
“Доимий равишда почтани текшириш, фотосуратлар остидаги ълайкъларни санаш, ҳар дақиқада ижтимоий тармоқдаги янгиликлар лентасини кўриб чиқиш ва постларингиздаги изоҳларни ўқиш... Буларнинг барчаси менга қандайдир аҳмоқона, ибтидоий фаолиятдек туюлади. Мен кўпчиликка ўхшамайман”, — дейди Кира.
Бир пайтлар актриса ижтимоий тармоқларда ўз саҳифасини яратган, бироқ уни 5 дақиқадан сўнг ўчириб ташлаган. Кира обуначилар оқимидан қўрқиб кетган. У ҳозирда ижтимоий тармоқларга эҳтиёжи йўқлигини айтган.
Жейк Жилленхол
Актёр ижтимоий тармоқлардан узоқлашишга ҳаракат қилаётганини айтган. У ижтимоий тармоқларга қарам бўлган инсонлардан қўрқади. У том маънода ижтимоий тармоқлар ботқоғига ботган дунё келажаги ҳақида чин дилдан қайғуради. У ўзини кўрсатиш учун яшамасликка ҳаракат қилади.
“Бизда шахсий дахлсизлик ҳисси йўқ инсонларнинг бутун авлоди ўсиб бормоқда. Мен ҳар доим инсон ўз ҳаёти билан яшамасдан туриб, инсонларга нима бериши мумкинлиги ҳақида ўйлашга қизиқаман. Биз бугун бутунлай бошқача маданий муҳитда яшаяпмиз. Жамият ҳамма нарса ҳақида ҳамма нарсани билишни хоҳлайди”, — дейди актёр.
Изоҳ (0)