“Liverpul” yarim himoyachisi Fabinyoning Saudiya Arabistoni klubiga transferi uning itlari sababli kechikmoqda

“Liverpul” futbolchisi Fabinyo faoliyatini Saudiya Arabistonining “Al-Ittihod” jamoasida davom ettiradi.

Yarim himoyachi saudiyaliklar bilan 3 yillik shartnoma borasida kelishuvga erishgan.

Biroq, futbolchining transferi uning iti sababli kechikmoqda. Fabinyoning bir juft fransuz buldoglari bor. Saudiya Arabistonida bunday it turlari tajovuzkor va xavfli hisoblanadi. Qoidalarga ko‘ra, ushbu zotdagi itlarni hech qanday holatda mamlakatga olib kirish mumkin emas. 

“Al-Ittihod” Fabinyo itlarini mamlakatga olib kirishi uchun Saudiya Arabistoni hukumatidan maxsus ruxsatnoma so‘ragan. Uning itlarini Saudiya Arabistoni bilan chegaradosh davlatlardan biri Bahraynga joylashtirish varianti ham ko‘rib chiqilmoqda. 

Jidda klubi muxlislari ijtimoiy tarmoqlarda “Fabinyoning itlariga ruxsat bering” nomli aksiya boshlagan. 

Ma‘lumotlarga ko‘ra, Saudiya Arabistonidagi uy hayvonlari borasidagi qoidalar tufayli yana bir futbolchining transferi kechikmoqda.