“Ливерпуль” ярим ҳимоячиси Фабиньонинг Саудия Арабистони клубига трансфери унинг итлари сабабли кечикмоқда 

“Ливерпуль” футболчиси Фабиньо фаолиятини Саудия Арабистонининг “Ал-Иттиҳод” жамоасида давом эттиради.

Ярим ҳимоячи саудияликлар билан 3 йиллик шартнома борасида келишувга эришган.

Бироқ, футболчининг трансфери унинг ити сабабли кечикмоқда. Фабиньонинг бир жуфт француз булдоглари бор. Саудия Арабистонида бундай ит турлари тажовузкор ва хавфли ҳисобланади. Қоидаларга кўра, ушбу зотдаги итларни ҳеч қандай ҳолатда мамлакатга олиб кириш мумкин эмас. 

“Ал-Иттиҳод” Фабиньо итларини мамлакатга олиб кириши учун Саудия Арабистони ҳукуматидан махсус рухсатнома сўраган. Унинг итларини Саудия Арабистони билан чегарадош давлатлардан бири Баҳрайнга жойлаштириш варианти ҳам кўриб чиқилмоқда. 

Жидда клуби мухлислари ижтимоий тармоқларда “Фабиньонинг итларига рухсат беринг” номли акция бошлаган. 

Маълумотларга кўра, Саудия Арабистонидаги уй ҳайвонлари борасидаги қоидалар туфайли яна бир футболчининг трансфери кечикмоқда.