2035-yilda Oyda ilk bor raqobatbardosh futbol uchrashuvi o‘tkazilishi mumkin.
Muhandislik va texnologiya instituti (Buyuk Britaniya) vakili bo‘lgan muhandislar, texnologlar va boshqa olimlar oy futboli uchun dastlabki qoidalar to‘plamini ishlab chiqdi.
Loyihaning asosiy maqsadlaridan biri — yoshlarni o‘ziga jalb etish va ilhomlantirish, ularga fan, texnologiya, muhandislik va matematika sohalarida faoliyat qanday bo‘lishini ko‘rsatishdan iborat.
Oydagi o‘yin uchun odatdagidan bir yarim baravar kattaroq bo‘lgan qora-oq to‘pdan foydalanish taklif etilmoqda. U aerogelning yangi avlodidan tayyorlanishi lozim, bu o‘ziga xos samara beradi. U to‘p ichida havo bo‘lmasdan, yerda sakrab turishiga sabab bo‘ladi.
Liboslar sifatida esa tizza va tirsak yostiqchalari o‘rnatilgan havo o‘tkazmaydigan kostyum chiqariladi. U sovutish va isitish tizimiga va flanel qoplamasiga ega bo‘ladi. Shlemlar esa o‘yinchilar va murabbiylar o‘rtasida muloqot qilish, hakamlar qarorlari va kostyumning holatini ko‘rsatish qobiliyatini ta’minlaydi. Uning ko‘rish burchagi 180-270 daraja bo‘ladi.
Oy futboli kontaktsiz sport turi bo‘lib, unda to‘pga egalish qilish uchun kurash emas, balki to‘xtatib qolish kerak bo‘ladi. Har bir jamoada besh nafardan futbolchi bo‘lib, ularga nafaqat to’qnashuvlar, balki jihozlarga zarar yetkazmaslik uchun bosh bilan ham o‘ynash taqiqlanadi.
Tekis maydon hosil qilish uchun lazer texnologiyasi qo‘llaniladi — sirtni qobiq bilan qoplash, buning natijasida bir xil bo‘lmagan elementlar erib, bitta qatlamga aylanadi. O‘yin maydonchasi uzunligi 32 metr, eni 25 metrni tashkil qiladi. Darvozalar esa kattalashtiriladi — eniga deyarli 11 metr va balandligi deyarli 3 metr bo‘ladi.
Hakamlar gologramma ko‘rinishida bo‘ladi. Ular o‘yinning stansiyadan turib boshqaradi.
Uchrashuv to‘rtta o‘n daqiqalik bo‘limlarga bo‘linadi, ular orasida texnik xizmat ko‘rsatish uchun yigirma daqiqalik tanaffuslar beriladi.
Muhandislik va texnologiya instituti 4 yoshdan 13 yoshgacha bo‘lgan britaniyalik bolalar o‘rtasida birinchi o‘zga sayyoralik “Moon Utd” jamoasi uchun liboslarni loyihalash bo‘yicha tanlov e’lon qildi.
Izoh (0)