Namangandagi piyodalar yo‘lakchalarida turli qiyofadagi maketlar paydo bo‘ldi. Bu haqda “Daryo” muxbiri Azizbek Abduvaliyev xabar bermoqda.
Bola yetaklab olgan ayol, yo‘lni kesib o‘tayotgan qariya, telefonda so‘zlashib ketayotgan talaba va ogohlantirish berayotgan inspektor ko‘rinishidagi o‘nlab maketlar Namangan shahrining serqatnov ko‘chalariga o‘rnatildi.
Foto: Jahongir Akramov
Ular ko‘chma bo‘lib, istalgan payt boshqa yo‘nalishlarga olib o‘tilishi mumkin.
Foto: Jahongir Akramov
“Bunday maketlarni qo‘yilgani ayni muddao bo‘ldi. Ikki nafar qizalog‘im bor, ular bilan piyodalar yo‘lakchasidan o‘tishga ham baʼzan hayiqaman. Chunki ayrim hovliqma haydovchilar sariq chiziqlarga ham eʼtibor bermay, tikka bostirib kelaverishadi. Zora shu maketlar ularni sal bo‘lsa ham hushyorlikka chorlab tursa”, — deydi Namangan shahrida istiqomat qiluvchi Nuriya Salbarova.
Nuriya Salbarova
Foto: Jahongir Akramov
Viloyat IIB YHXB mutasaddilarining maʼlum qilishicha, kelgusida bunday tajribani nafaqat viloyat markazi, balki tumanlardagi aholi gavjum hududlarda ham qo‘llash ko‘zda tutilgan.
Foto: Jahongir Akramov
Izoh (1)
Kimga qanday bilmadim-u, bu maketlar shafyorni chalgʻitadi, odam turgan boʻlsa xam, maket turibdi deb oʻylaydi keyin.
Undan koʻra xech boʻlmasa piyodalar yoʻlakcha atrofi tunda yoritish chiroqlari bilan taʼminlangani maʼqul.
Keyin piyoda va shafyorlarni yoʻl madaniyatini oshirish kerak, televideniyada qayerdagi uyatsiz narsalarni reklama qilgandan koʻra, madaniyatni oshiradigan video roliklarni aylantirish kerak deb oʻylayman!