Намангандаги пиёдалар йўлакчаларида турли қиёфадаги макетлар пайдо бўлди. Бу ҳақда “Дарё” мухбири Азизбек Абдувалиев хабар бермоқда.
Бола етаклаб олган аёл, йўлни кесиб ўтаётган қария, телефонда сўзлашиб кетаётган талаба ва огоҳлантириш бераётган инспектор кўринишидаги ўнлаб макетлар Наманган шаҳрининг серқатнов кўчаларига ўрнатилди.
Фото: Жаҳонгир Акрамов
Улар кўчма бўлиб, исталган пайт бошқа йўналишларга олиб ўтилиши мумкин.
Фото: Жаҳонгир Акрамов
“Бундай макетларни қўйилгани айни муддао бўлди. Икки нафар қизалоғим бор, улар билан пиёдалар йўлакчасидан ўтишга ҳам баъзан ҳайиқаман. Чунки айрим ҳовлиқма ҳайдовчилар сариқ чизиқларга ҳам эътибор бермай, тикка бостириб келаверишади. Зора шу макетлар уларни сал бўлса ҳам ҳушёрликка чорлаб турса”, — дейди Наманган шаҳрида истиқомат қилувчи Нурия Салбарова.
Нурия Салбарова
Фото: Жаҳонгир Акрамов
Вилоят ИИБ ЙҲХБ мутасаддиларининг маълум қилишича, келгусида бундай тажрибани нафақат вилоят маркази, балки туманлардаги аҳоли гавжум ҳудудларда ҳам қўллаш кўзда тутилган.
Фото: Жаҳонгир Акрамов
Изоҳ (1)
Kimga qanday bilmadim-u, bu maketlar shafyorni chalgʻitadi, odam turgan boʻlsa xam, maket turibdi deb oʻylaydi keyin.
Undan koʻra xech boʻlmasa piyodalar yoʻlakcha atrofi tunda yoritish chiroqlari bilan taʼminlangani maʼqul.
Keyin piyoda va shafyorlarni yoʻl madaniyatini oshirish kerak, televideniyada qayerdagi uyatsiz narsalarni reklama qilgandan koʻra, madaniyatni oshiradigan video roliklarni aylantirish kerak deb oʻylayman!