Nemis shifokorlari federal assotsiatsiyasi tomonidan yozning eng issiq kunlarida o‘zini yaxshi his qilish va unumdorlikni ko‘rsatish bo‘yicha yangi qo‘llanma taqdim etildi.
Germaniyada shifokorlar yozning eng issiq kunlariga qarshi kurashishning “dam olish” usulini ixtiro qilishdi. Eslatib o‘tamiz, bu hafta Yevropada havo harorati rekordlarni yangiladi - termometrlar 40 C⁰ ni ko‘rsatmoqda.
Nemis shifokorlari federal assotsiatsiyasi raisi Yoxannes Nissen hamkasblarining qo‘shma xulosasini e’lon qildi va “siesta” joriy etilishi kerakligini e’lon qildi.
“Siesta” — tushdan keyingi dam olish bo‘lib, bu Ispaniya va Italiya kabi mamlakatlarda issiq havoga qarshi kurashishning juda mashhur usuli.
“Biz janubiy mamlakatlardagi jaziramada odamlar qanday ishlashini ko‘rib chiqishimiz kerak: ular erta turishadi, ertalab samarali ishlashadi va tushda dam olishadi”, — deydi Nissen.
Uning ta’kidlashicha, nemis fuqarolari yoz oylarida ham hayotning tegishli ritmiga rioya qilishlari kerak: ertalablari, hali u qadar issiq bo‘lmagan paytda asosiy og‘ir yumushlarni bajarib olishlari kerak.
Izoh (0)