Немис шифокорлари федерал ассоциацияси томонидан ёзнинг энг иссиқ кунларида ўзини яхши ҳис қилиш ва унумдорликни кўрсатиш бўйича янги қўлланма тақдим этилди.
Германияда шифокорлар ёзнинг энг иссиқ кунларига қарши курашишнинг “дам олиш” усулини ихтиро қилишди. Эслатиб ўтамиз, бу ҳафта Европада ҳаво ҳарорати рекордларни янгилади - термометрлар 40 C⁰ ни кўрсатмоқда.
Немис шифокорлари федерал ассоциацияси раиси Йоханнес Ниссен ҳамкасбларининг қўшма хулосасини эълон қилди ва “сиэста” жорий этилиши кераклигини эълон қилди.
“Сиэста” — тушдан кейинги дам олиш бўлиб, бу Испания ва Италия каби мамлакатларда иссиқ ҳавога қарши курашишнинг жуда машҳур усули.
“Биз жанубий мамлакатлардаги жазирамада одамлар қандай ишлашини кўриб чиқишимиз керак: улар эрта туришади, эрталаб самарали ишлашади ва тушда дам олишади”, — дейди Ниссен.
Унинг таъкидлашича, немис фуқаролари ёз ойларида ҳам ҳаётнинг тегишли ритмига риоя қилишлари керак: эрталаблари, ҳали у қадар иссиқ бўлмаган пайтда асосий оғир юмушларни бажариб олишлари керак.
Изоҳ (0)