Oxirgi 24 soat ichida Eron janubi-sharqida joylashgan Seyiston va Balujiston viloyati janubi-sharqida chang bo‘roni oqibatida 470 dan ortiq kishi jabr ko‘rdi. Bu haqda provinsiyaning favqulodda holatlar bo‘yicha shtab-kvartira rahbari Majid Muhaybi ma’lum qildi.
“Yangi shamol to‘lqini fonida kecha ertalab soat 6 dan boshlab hozirgacha Seyiston viloyatida, jumladan, viloyatning shimolida joylashgan beshta viloyat – Zabol, Zahok, Xomun, Xirmand va Nimruzda tibbiyot muassasalariga 474 kishi murojaat qilgan. Ulardan 30 nafari kasalxonaga yotqizilgan, qolganlarga ambulator yordam ko‘rsatilgan”, — dedi Muhaybi.
Bir kun avval Seyiston va Balujistonda 250 ga yaqin odam tibbiy yordam so‘ragani xabar qilingan edi.
Bundan tashqari, Eronda qum bo‘roni sababli Tehron—Zabol reyslari bekor qilindi. Bu turdagi bo‘ronlar so‘nggi yillarda Eron transporti tizimiga katta moliyaviy zarar yetkazdi.
7-iyul kuni Eron janubi-sharqidagi qum bo‘ronlaridan mingga yaqin odam jabr ko‘rgani ma’lum qilingandi. Kasalxonalarga yotqizilganlarning ko‘pchiligi nafas olish, ko‘z va yurak bilan bog‘liq muammolardan shikoyat qilgan.
Izoh (0)