Rossiya prezidenti Vladimir Putin talabalik davrida yuk ortuvchi bo‘lib ishlaganini esladi. Bu haqda “RIA Novosti” xabar berdi.
.JPG)
Putin “Rossiya – imkoniyatlar mamlakati” kuzatuv kengashi yig‘ilishida bu haqda gapirdi. Yig‘ilishda Ukrainadagi “maxsus harbiy operatsiya”da qatnashgan Ilya Shtokman nutq so‘zladi.
U 1998-yilda universitetni tamomlagandan so‘ng, inqiroz davrida qanday qilib mamlakatni tark etgani va xorijda novvoyxonada yuk ko‘taruvchidan yirik IT-kompaniyaning loyiha menejerigacha ko‘tarilganini esladi.
“Novvoyxona yomon emas... Talabalik paytimda men temiryo‘l vokzalida bir nechta qoplarni ortganman, bu mashg‘ulot menga unchalik yoqmasdi”, — dedi Putin.
Bungacha Rossiya prezidenti 1990-yillarda shaxsiy haydovchi sifatida baʼzan qo‘shimcha pul ishlashga to‘g‘ri kelganini aytgandi.
“Ba’zida kirakashlik qilishimga to‘g‘ri kelardi. Bu haqda gapirish yoqimli emas, ammo, afsuski, shunday bo‘lgan”, — degan edi u.
Putin institutning ikkinchi kursida o‘qiyotganida dastlab qurilish otryadida duradgor bo‘lib ishlagani ham ma’lum.
“Men qurilish jamoalariga borardim va u yerda to‘rtinchi toifali duradgorlik guvohnomasini olganman, bundan juda faxrlanaman”, — degan edi u ancha yillar oldin.
Izoh (0)