Xorazm viloyatida 17-iyul kuni kuchli shamol esishi oqibatida energiya ta’minotida uzilishlar sodir bo‘ldi.
“Hududiy elektr tarmoqlari” Xorazm hududiy filiali matbuot xizmatining ma’lum qilishicha, ayrim hududlarda daraxtlar va xonadon tomlari quladi, elektr tarmoqlariga shikast yetdi.
.jpg)
Elektr energiyasidagi uzilishlarni bartaraf etish uchun tezkor chiqish brigadalari hamda maxsus texnikalar jalb etilib, yuzaga kelgan nosozliklarni bartaraf etish choralari ko‘rildi.
Qayd etilishicha, ayni paytda Gurlan, Shovot, Urganch, Bog‘ot, Yangibozor, Qo‘shko‘pir, Yangiariq va Xonqa tumanlarida tabiiy ofat tufayli yuzaga kelgan nosozliklarni ta’mirlash-tiklash ishlari olib borilmoqda.
18-iyul kuni soat 10:00 dan 18:00 gacha joriy profilaktika ishlari sababli elektr energiyasi ta’minotida vaqtinchalik uzilishlar bо‘lishi mumkin.
Izoh (0)