Хоразм вилоятида 17 июль куни кучли шамол эсиши оқибатида энергия таъминотида узилишлар содир бўлди.
“Ҳудудий электр тармоқлари” Хоразм ҳудудий филиали матбуот хизматининг маълум қилишича, айрим ҳудудларда дарахтлар ва хонадон томлари қулади, электр тармоқларига шикаст етди.
.jpg)
Электр энергиясидаги узилишларни бартараф этиш учун тезкор чиқиш бригадалари ҳамда махсус техникалар жалб этилиб, юзага келган носозликларни бартараф этиш чоралари кўрилди.
Қайд этилишича, айни пайтда Гурлан, Шовот, Урганч, Боғот, Янгибозор, Қўшкўпир, Янгиариқ ва Хонқа туманларида табиий офат туфайли юзага келган носозликларни таъмирлаш-тиклаш ишлари олиб борилмоқда.
18 июль куни соат 10:00 дан 18:00 гача жорий профилактика ишлари сабабли электр энергияси таъминотида вақтинчалик узилишлар бўлиши мумкин.
Изоҳ (0)