Toshkent shahrida kuz-qish mavsumiga puxta tayyorgarlik ko‘rish maqsadida ayrim tumanlardagi qator ko‘chalarda elektr ta‘minoti vaqtincha to‘xtatiladi. Bu haqda “Hududiy elektr tarmoqlari” matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish maqsadida 17-iyul kuni quyidagi manzillarda elektr taʼminoti vaqtincha o‘chiriladi:
Olmazor tumani: “Beruniy” MFYning ayrim ko‘chalarida soat 09:00 dan 17:00 gacha;
Mirzo Ulug‘bek tumani: “Turon” MFYning ayrim ko‘chalarida soat 09:00 dan 17:00 gacha.
“O‘z navbatida, yuqoridagi hududlarda ta‘mirlash ishlari belgilangan vaqtdan avvalroq yakunlanishi mumkinligini bildirib o‘tamiz”, — deyiladi xabarda.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Eslatib o‘tamiz, 14-iyul kuni Olmazor, Yashnobod va Chilonzor tumanlarida, 15-iyulda esa Yashnobod va Uchtepa tumanlarida elektr ta’minoti vaqtincha to‘xtatilgandi.
Izoh (0)