Тошкент шаҳрида куз-қиш мавсумига пухта тайёргарлик кўриш мақсадида айрим туманлардаги қатор кўчаларда электр таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш мақсадида 17 июль куни қуйидаги манзилларда электр таъминоти вақтинча ўчирилади:
Олмазор тумани: “Беруний” МФЙнинг айрим кўчаларида соат 09:00 дан 17:00 гача;
Мирзо Улуғбек тумани: “Турон” МФЙнинг айрим кўчаларида соат 09:00 дан 17:00 гача.
“Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, — дейилади хабарда.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Эслатиб ўтамиз, 14 июль куни Олмазор, Яшнобод ва Чилонзор туманларида, 15 июлда эса Яшнобод ва Учтепа туманларида электр таъминоти вақтинча тўхтатилганди.
Изоҳ (0)