Professional boksning super og‘ir vazn toifasida WBC chempioni Tayson Fyuri sobiq UFC jangchisi Frensis Ngannuga qarshi jang qiladi.
Bu haqida jurnalist Mayk Koppinjer xabar qildi. Sportchilar o‘rtasidagi boks jangi 28-oktabr kuni Saudiya Arabistonida bo‘lib o‘tadi. Qarama-qarshilik o‘rtasidagi qoidalar hozircha ma’lum qilinmagan.
Butunjahon boks ittifoqi (WBC) Tayson Fyurining kamari uchun rasmiy nomzodlar yo‘qligi sababli uning Ngannu bilan janggiga ruxsat berdi.
Fyuri hozirga qadar Endi Ruis, Entoni Joshua va Oleksandr Usiklar bilan kelishuvga erisha olmagan edi.
Eslatib o‘tamiz, Tayson Fyuri so‘nggi jangini 2022-yil dekabr oyinda o‘tkazgan va jangning 10-raundida Derek Chisorani texnik nokautga uchratgan edi.
Frensis Ngannu esa 2023-yil yanvar oyida UFC’ni tark etganini ma’lum qilgandi. Sportchi 2022-yil yanvar oyida oktagondagi so‘nggi jangini o‘tkazgan va Siril Gan ustidan g‘alaba qozongandi.
Izoh (0)