UFC 270. Frensis Ngannu yengilmas raqibini taslim etib, chempionlikni himoya qildi. Figeredo trilogiyani g‘alaba bilan yakunlab, unvonni qaytarib oldi

AQShning Anahaym shahrida (Kaliforniya shtati) Toshkent vaqti bilan 23-yanvar tongida UFC 270 musobaqasi bo‘lib o‘tdi.

2022-yilning dastlabki raqamli turnirining asosiy jangi og‘ir vazn toifasi vakillari Frensis Ngannu (17-3) va Siril Gan (10-1) o‘rtasida kechdi. Besh raund davom etgan jangda Ngannu hakamlar qaroriga ko‘ra g‘olib deb topildi va chempionlik kamarini o‘zida saqlab qoldi.

Musobaqaning ikkinchi asosiy jangida mutlaq yengil divizion vakili Deyvison Figeredo (21-2-1) amaldagi chempion Brendon Morenoni (19-7-2) mag‘lub etib, unvonni qaytarib oldi.

Yana bir jangda Said Nurmagomedov (16-2) 47-soniyadayoq Kodi Stemmenni (15-5-1) bo‘g‘ish usuli bilan taslim etdi.

Jang natijalari bilan tanishing:

Asosiy kard

• Frensis Ngannu hakamlar qarori bilan Siril Gandan ustun keldi;
• Deyvison Figeredo hakamlar qaroriga ko‘ra Brendon Morenoni yengdi;
• Mishel Pereyra hakamlar qarori bilan Andre Fialodan ustun keldi;
• Said Nurmagomedov 1-raundda bo‘g‘ish usuli orqali Kodi Stemmenni yutdi;
• Maykl Morales 1-raundda Trevin Jaylsni nokautga uchratdi

• Viktor Genri hakamlar qarori bilan Raoni Barselosni yengdi;
• Jek Maddalena 1-raundda Pete Rodrigesni nokautga uchratdi;
• Toni Greyvli hakamlar qaroriga ko‘ra Saimon Oliveyrani yutdi;
• Mett Frevola 1-raundda Xenaro Valdesni nokautga uchratdi;
• Vanessa Demopulos 1-raundda sabmishen orqali Slivana Xuaresni taslim etdi;
• Jasmin Yasudavichus hakamlar qarori bilan Key Hansendan ustun keldi.