Londondagi “Tottenhem Hotspur” stadionida O‘zbekiston vaqti bilan 3-dekabrdan 4-dekabrga o‘tar kechasi professional boks oqshomi bo‘lib o‘tdi.
Boks kechasining markaziy jangi super og‘ir vazn toifasida WBC chempioni Tayson Fyuri (33-0-1, 24 KO) va Derek Chisora (33-13, 23 KO) o‘rtasida kechdi.
Jangning dastlabki raundi teng kurash ostida kechdi. Keyingi raundlarda Fyuri raqibidan sezilarli darajada ustunlik qildi. Jangning 10-raundida Derekning passiv harakatlaridan keyin hakam jangni to‘xtatdi.
Shu tariqa Fyuri faoliyatidagi 33-g‘alabasini qo‘lga kiritdi va kamarini muvaffaqiyatli himoya qildi.
Fyuri va Chisora bunga qadar 2 marta to‘qnash kelgan. 2011-yilda ochkolar evaziga Tayson g‘olib bo‘lgan, 2014-yildagi jangda esa Chisora 10-raunddan keyin jangni davom ettirishdan bosh tortgan va Tayson g‘alabaga erishgan.
Izoh (0)