Somalida yo‘lovchi samolyoti qo‘nayotganda to‘siqqa urildi. Samolyot bortida 30 yo‘lovchi va to‘rt nafar ekipaj a’zosi bo‘lgan. Aviatsiya ma’lumotlariga ko‘ra, hech kim halok bo‘lmagan, bir necha kishi jarohatlangan.
Voqea Somali poytaxti Mogadisho xalqaro aeroportida sodir bo‘ldi. Samolyot uchish-qo‘nish yo‘lagidan chiqib ketib, dengizdan bir necha metr uzoqlikdagi beton to‘siqqa urilgan.
Natijada, samolyotning shassisi sinib, fyuzelyajda bir nechta yoriqlar paydo bo‘ldi.
Hodisa sabablarini o‘rganish uchun ekspertlar tomonidan surishtiruv ishlari olib borilmoqda.
27-iyun kuni AQSHdagi Arkanzas aeroportida bo‘ron vaqtida qo‘ngan American Eagle samolyotini ikki marta chaqmoq urgandi. Qayd etilishicha, hodisa oqibatida hech kim jabrlanmagan, samolyotga ham shikast yetmagan, texnik nosozliklar bo‘yicha tekshiruvdan o‘tgach, layner chiqish joyiga xavfsiz tarzda yetib kelgan.
Izoh (0)