Hukumatning sud-huquq islohotidan norozilar yana Isroil ko‘chalariga chiqdi, deb xabar berdi “MIR 24”.
Islohotga oid qonun loyihalaridan biri bir kun avval birinchi o‘qishda qabul qilindi. Bu keng ko‘lamli namoyishlarning navbatdagi to‘lqiniga sabab bo‘ldi. Isroilliklar yo‘llarni, jumladan Quddusga boradigan yo‘llarni to‘sib qo‘yishdi.
Minglab odamlar Quddusdagi prezident devoni oldida, shuningdek, Ben Gurion xalqaro aeroportida norozilik bildirib, hayqirishmoqda. Politsiya suv purkagichlardan foydalanib, ularni tarqatishga urindi. O‘nlab namoyishchilar hibsga olingan.
Islohotga qarshi ommaviy norozilik namoyishlari bir necha oydan beri davom etmoqda. Islohotlar natijasida Oliy sud qonunlarni qayta ko‘rib chiqishdan mahrum bo‘ladi va koalitsiyadagi siyosatchilar sudyalar tayinlanishi ustidan nazorat qilish imkoniyatini qo‘lga kiritadi.
1-iyul kuni Tel-Aviv markazidagi mitingga 130 ming kishi chiqdi. Namoyish tashkilotchilari esa bu raqam noto‘g‘riligi, o‘sha kuni Isroilda 300 ming kishi namoyishga chiqqanini ma’lum qilgan.
Izoh (0)